БИШКЕК, 18-июн. — Sputnik. Instagram фотосервисинин негиздөөчүлөрү өчүп калган аккаунттарды калыбына келтирүү боюнча программаны тесттен өткөрүп жатат. Бул тууралуу Engadget порталы жазды.
Эми аккаунтун бирөөлөргө "уурдатып" жиберген колдонуучулар дагы өз баракчаларын калыбына келтире алат.
Бул үчүн колдонуучу алдырып ийген аккаунтуна мурда кирип жүргөн гаджет аркылуу тиркемени ачып, логинин жана телефон номерин жазышы керек. Андан соң ага алты орундуу сандан турган жашыруун код келет.
Мындай мүмкүнчүлүк жалпы колдонуучуларга качан жеткиликтүү болору айтыла элек.
