БИШКЕК, 11-июн. — Sputnik. Ала-Бука чек ара отрядынын жоокери өзүм билемдик менен аскер бөлүгүн таштап кетип баратканда кармалды. Бул тууралуу Мамлекеттик чек ара кызматынан билдиришти.
Ал мөөнөттүү аскер кызматын өтөп жаткан. Кармалгандан кийин аскер бөлүгүнө кайтарылган. Окуя 9-июнда болгону айтылды.
"Окуя тууралуу аскер прокуратурасына жана укук коргоо органдарына кабар берилген", — делет маалыматта.
Учурда окуянын чоо-жайы иликтенип жатат.
