БИШКЕК, 21-май — Sputnik. Сокур ичегини алдыргандан кийин Паркинсон оорусу (калтыратма шал илдети — ред.) күчөп кетиши ыктымал. Бул туурасында "Известия" батыштагы Кейза университети менен "Кривленданын университеттик клиникалары" борборундагы окумуштууларга шилтеме берип жазды.
Маалыматта окумуштуулар Паркинсон оорусу менен жабыркаган 62 миллион кишинин ден соолугуна иликтөө жүргүзүп, алардын илдетке чалдыгышына сокур ичегисин алдырып салганы себеп экендигин аныкташкан.
Адистер сокур ичегиси бар адамдын Паркинсон оорусуна кабылуу коркунучу төмөнүрөөк деген жыйынтыкка келишкен. Башкача айтканда, соо кезде кабылуу коркунучу 0,29 пайыз болсо, операциядан кийин 0,92 пайызга өскөн.
Паркинсон — бул борбордук нерв системасына байланышкан мээ оорусу. Эл арасында калтыратма шал илдети деп айтышат. Аталган дартка кабылган адамдын басуусу оорлошуп, денесин калтырак басып, үнү акырын чыгып калат, бети "катып" калгандай элес калтырат.
