БИШКЕК, 20-апр. — Sputnik. Бишкекте 25-апрель күнү кезектеги вакансиялар жарманкеси өтө турганын Эмгек жана социалдык өнүктүрүү министрлигинин алдындагы Ишке орноштурууга көмөк көрсөтүү башкармалыгы билдирди.
Иш-чара саат 10.00дө Кыргыз улуттук университетинин башкы корпусунда өтөт. Белгилей кетсек, окуу жай Фрунзе көчөсү, 547 дарегинде жайгашкан (Манас проспектиси менен кесилишет).
Жарманкеге Бишкек шаарындагы 20дан ашуун уюм менен ишканалар катышып, 4000дин тегерегиндеги вакансия сунушталат.
Кандай жумуш орундары бар экенин 0(312) 43-47-70, 43-47-49, 43-47-65 телефондору аркылуу билүүгө болот.
