БИШКЕК, 17-апр. — Sputnik. Аламүдүн районундагы Константиновка айылында дарыяга чөгүп кеткен 5 жашар Барсбек Бектемировду издөөгө бүгүн, 17-апрелде, 115 куткаруучу чыкты. Бул туурасында ӨКМдин маалымат кызматынан кабарлашты.
Бөбөктү табууга Аламүдүн, Сокулук, Жайыл, Ысык-Ата жана Москва райондорунан, Токмок шаарынан куткаруучулар тартылган. Мындан сырткары, издөө иштерине көмөк көрсөтүү максатында Казакстан ИИМинин Жамбыл облустук Өзгөчө кырдаалдар департаментинен төрт суучул да чыкты.
Эске салсак, 11-апрелде 5 жашар Барсбек Бектемиров Чүйдүн Константиновка айылында Ат-Башы дарыясына түшүп кеткен. Алгачкы күнү аны издөөгө 11 куткаруучу тартылып, таппай, 15-апрелде издөө иштерине 100гө чукул куткаруучу чыккан. Бирок дагы деле табыла элек.
Баланын кош бойлуу энеси уулун табууга элден жардам сураган видеосу тараган.
Посмотреть эту публикацию в Instagram
Абалы начарлаган келинге психолог менен дарыгерлер жардам берүүдө.
Жаш үй-бүлөнүн туугандарынын айтымында, сууга аккан бөбөк алардын тун уулу болчу.
