БИШКЕК, 27-мар. — Sputnik. Азербайжандын Үй-бүлө, аял жана балдар маселелери боюнча мамлекеттик комитети баш кошом деген жаштарга психологдордун кеңешин алууга милдеттендирүүнү карап жатат. Бул тууралуу Sputnik Азербайжан басылмасы жазды.
Аталган комитеттин психологу Зульфия Садыгованын айтымында, мекеме өлкөдөгү ажырашуулардын себеби боюнча маалыматтарды алып турат. Жубайлардын бири-бирин түшүнбөстүгү - эки жолго түшүүнүн негизги себептеринин бири.
"Андыктан адамдардын кызыкчылыктары, баалуулуктары жана темпераменти бири-бирине дал келбей калган учурлар көп. Бул өз кезегинде үй-бүлөнүн бузулушуна алып келүүдө", — деди Садыгова.
Адистер болочок жубайлардын бири-бирин толуктап туруусун аныктоо үчүн көптөгөн ыкмалар бар деп ишендиришүүдө. Алардын арасында тест, окутуу ыкмалары бар.
