БИШКЕК, 25-мар. — Sputnik. Борбор калаанын милициясынан Black Star бургерин россиялык рэп ырчысы Тимати тараткан учурда аны көрүү үчүн тосмодон секиргендер, жөөлөшкөндөр жана балдардын ата-энесинен адашкан фактылары болгон.
Россиялык рэпер Тимати Бишкекке фастфуд саткан өзүнүн соода жайын ачып, анын урматына элге бекер бургер таратууга убада берген. Аталган фастфудду ал өзү даярдап жасаган. Расмий эмес маалыматтарга караганда, бул иш-чарага бир нече миң киши келген.
Шаардык милициядан ал жердегилер ырчыны жанынан көрүү үчүн тосмодон секирип киришкен, бирок аларды милиция кызматкерлери орто жолдон кармап калып, түшүндүрүү иштеринен кийин артка кайтарган. Эч ким милиция бөлүмүнө жеткирилген эмес.
Тартип коргоо органдарынан бургер тараткан учурда эл жөөлөшүп кеткенин, бирок тебелендиде эч ким калбагандыгын билдиришти.
Милиция тосмодон секиргендерден сырткары адашып кеткен балдарын ата-энелерине кайтарып берген.
