Мелдештин башкы беттешинде кыргызстандык Дастан Шаршеев россиялык мушкер Алексей Додоновду нокаут менен утуп, WBKF версиясы боюнча дүйнө чемпиону болду.
26 Бирдин айы 2019, 22:28
Дагы бир кыргыз спортчусу Рустам Ибрагимов казак мушкери Жандос Назарбековду калыстардын чечими менен утуп, Grand Prix Top-4 наамына ээ болду. Спортчуга сыйлык катары 100 миң сом берилди.
Ошондой эле кыз-келиндер арасындагы беттеште кыргызстандык спортчу Шахриза Халилова да өзбекстандык атаандашы Мухае Эркинованы жеңип алган эле.
Мындан тышкары, өлкө атынан чыккан Авазбек Аманбеков, Шерзод Кабутов, Чыңгыз Бегматов, Аброр Хакимов жана Бекжан уулу Адилет жеңүүчү деп табылды.
Мелдешке Казакстан, Өзбекстан, Россия жана Белоруссиянын спортчулары келген.
