Ысык-Көл облусуна караштуу Түп районунун эки тургуну "Хизб ут-Тахрир" уюмунун мүчөлүгүнөн чыкты. Бул тууралуу ОИИБден маалымдашты.
Билдирмеге караганда, жарандар туура эмес жолдо жүргөнүн моюндап, мүчөлүктөн чыкканын расмий жарыялашкан. Алар ошондой эле динге берилген адамдарды бул уюмдун идеологиясына берилип кетүүдөн оолак болууга чакырышты.
XX кылымдын ортосунда пайда болгон "Хизб ут-Тахрир" уюму ислам теократиялык мамлекетти түзүүнү көздөп келет. Анын ишмердүүлүгүнө Кыргызстан менен кошо бир катар мамлекеттерде тыюу салынган.
