БИШКЕК, 5-фев. — Sputnik. Каттоо кызматында жалпы жарандык паспортту мыйзамсыз берген факты катталганын УКМК билдирди.
Маалыматка ылайык, мурда өлдү деп эсептелген 29 жаштагы кишинин атынан башка бирөөлөр чек арадан ары-бери өтүп жүргөн.
"Чалдыбар" көзөмөл өткөрүү жайынан былтыркы жылдын 31-декабрындаКыргызстандын А.И. аттуу 26 жаштагы жараны кармалган. Ал төрт жылдан бери К.у.Т аттуу жарандын паспорту менен чек арадан каттап келген.
Жыйынтыгында иш Жалал-Абаддын Ноокен районунун прокуратурасы тарабынан текшерилген. Январдын башында Каттоо боюнча мамлекеттик кызматтын өкүлдөрүнүн, ага кошумча А.И. аттуу жарандын иши Кылмыштар жана жоруктар боюнча бирдиктүү реестрге 330-берененин негизинде катталган. Андан соң тереңирээк иликтөө максатында УКМКнын Жалал-Абад облустук башкармалыгына жиберилген.
