БИШКЕК, 29-янв. — Sputnik. Улгайып калган аял кишиге спорттук көнүгүүлөрдү аша чаап жасап, организмге күч келтирүү зыянын тийгизет. Бул тууралуу нидерланддык окумуштууларга шилтеме берип "Известия" басылмасы жазды.
20 жылга созулган иликтөөгө жашы 60тан өтүп калган 8 миң аял катышкан.
"Экспериментке катышкандардын 34 пайызы 90 жаштан ашкан. Алардын көбү спорттук көнүгүүлөрдү күнүнө 30-60 мүнөттөн гана жасагандар болгон. Ал эми күнүнө тынбай бир сааттан ашык активдүү кыймылда болгон аялдардын басымдуу бөлүгү 90 жашка чыккан эмес", — деп айтылат макалада.
Окумуштуулардын кошумчалаганына караганда, аял кишиге узак жана сапаттуу жашоо үчүн салмагын нормадан ашырбай кармоо жетиштүү.
