БИШКЕК, 16-янв. — Sputnik. Былтыр балдардын зомбулук көргөн 136 учуру катталганын Ички иштер министрлиги билдирди.
Маалыматка ылайык, балдарга жана өспүрүмдөргө карата ар кыл мүнөздөгү 1473 кылмыш жасалган. Анын ичинде уурулук, каракчылык, шылуундук, денесине залака келтирүү жана адам өлтүрүү да бар.
"2018-жылы жашы жете элек балдар киши колдуу болгон 13 факты катталган. Анын жетөө туугандарынын колунан ажал тапкан. Арасындагы алтоо үч жашка чейинки наристелер", — деп айтылат билдирүүдө.
28 Бештин айы 2018, 13:54
ИИМ балдарга үй-бүлө ичинде, мектепте жасалган зомбулуктун алдын алуу жана социалдык жактан оор абалдагы өспүрүмдөргө жардам берүү үчүн 2018-жылы министрликтин атайын токтому чыкканын белгиледи.
Бүгүнкү күндө укук коргоо органдарынын өкүлдөрү ата-эненин камкордугусуз калган жеткинчектерди, ошондой эле ички жана тышкы мигранттардын балдарын аныктоо үчүн иштеп жатышат.
