Мэрия: эки жылдын ичинде Бишкектеги 60 көчөнүн жолу оңдолот

Жазылуу
Оңдоо иштерин 2019-2020-жылдары жүргүзүү пландалган.

БИШКЕК, 13-дек. — Sputnik. "Бишкек шаарындагы көчөлөрдүн жолдорун жакшыртуу" долбоорунун экинчи фазасын ишке ашырууга даярдык көрүлүп жатат. Бул туурасында мэриядан билдиришти.

Жол оңдоо иштерин 2019-2020-жылдары жүргүзүү пландалган. Анын алкагында калаанын 60 көчөсү оңдолот. Арасында совет мезгилинен бери каралбай калгандары да бар.

"Көп жолдорду кеңейтип же кайра башынан куруп, тротуар жана ирригациялык тармактар салынат. Учурда бардык көчөнү реконструкциялоо долбору даяр, көпчүлүк бөлүгү экспертизадан өттү", — деп айтылат маалыматта.

Эскерте кетсек, Бишкек шаардык мэриясы Кытайдын жол салуу корпорациясы менен калаага 2017-2018-жылдар аралыгында 49 жол жана 6 көпүрө салууну макулдашкан. Ушул долбоордун биринчи фазасын ишке ашырууга кытай тарап 478 миллион юань (74,2 миллион доллар) бөлүп берген.

Жаңылыктар түрмөгү
0