Азиянын ири шаары жер алдында калышы мүмкүн

© Sputnik / Владимир Федоренко / Медиабанкка өтүүТегеран шаары. Архив
Тегеран шаары. Архив - Sputnik Кыргызстан
Жазылуу
Илимпоздор 15 миллион калкы бар калаа суу ресурстарынын ашкере колдонулушунан улам чөгүп баратат дешти.

БИШКЕК, 11-дек. — Sputnik. Ирандын борбору Тегеран шаары убакыттын өтүшү менен жер алдында калышы мүмкүн экенин Германиянын геологиялык иликтөө борборунун окумуштууларына таянуу менен Sciene Alert басылмасы жазып чыкты.

Тегеранда 15 миллион киши жашайт, бул Азиянын батыш тарабындагы калк жыш жайгашкан шаар.

Токой. Архив - Sputnik Кыргызстан
Окумуштуулар: жер 25 жылда жапайы жаратылыштын 10%ын жоготту
Адистер 20013-жылдан 2017-жылга чейин спутниктен алынган маалыматтарды иликтеп, калаанын айрым аймактарында жер жыл сайын 25 сантиметрге чейин чөгүп жатканын аныкташкан. Испаниядагы Аликанте университетинин окумуштуусу Роберто Томастын айтымында, бул дүйнөдөгү өтө тездик менен чөккөн көрсөткүч.

Илимпоздор буга суу ресурстарынын ашкере колдонулушу себеп экенин айтышууда. Акыркы он жылдыктардагы калк санынын кескин көбөйүшү, шаар менен өнөр жайдын өнүгүшү сууну көп пайдаланууга негиз болгон. Эгер 1968-жылы Тегеран түздүгүндө төрт миңге жетпеген скважина болсо, 2012-жылы анын саны 32 миңге чукулдап барган.

"Жердин жаракалары, имараттардын жабыркашы жана жылышуусу чөгүүнүн далили. Эгер сууну пайдалануунун эффективдүү ыкмалары киргизилбесе, жер чөгө берет да, инфраструктуранын кыйрашына алып келет", — деп айтылат маалыматта.

Окумуштуулар мындай көрүнүштүн кесепети өтө начар болорун эскертип коңгуроо кагышууда.

Жаңылыктар түрмөгү
0