Шерипова: сегиз айда республика боюнча үч миңге жакын өрт чыкты
Сегиз айда республика боюнча 2952 өрт кырсыгы катталды. Бул тууралуу Элмира Шерипова Sputnik Кыргызстан радиосунун эфиринде маек куруп жатып билдирди.
Анын айтымында, тилсиз жоонун басымдуу бөлүгү от жагуудагы этиятсыздыктан келип чыгат.
"Өрт көп учурда адамдардын кайдыгерлигинен жана электр жабдыктарын туура эмес колдонуудан чыгат. Мисалы быйыл өлкө боюнча 2952 өрт катталса, анын 1000ден ашууну адамдардын отко болгон кайдыгерлигинен келип чыккан. Буга байланыштуу жыл сайын эл аралап түшүндүрүү иштерин жүргүзүп, нускамалар менен элди тааныштырып турабыз. Быйыл да 90 миң адамды окуттук", — деди Шерипова.
Белгилей кетсек, өрт учурунда 101, 112 номерлерине же милиция кызматкерлерине чалуу зарыл.
