БИШКЕК, 5-авг. — Sputnik. Сууда сүзүү спорту боюнча Азия чемпиону Денис Петрашов 8-17 август күндөрү Индонезиянын Жакарта шаарында атайын машыгуу өткөрө тургандыгын Жаштар иши, дене тарбия жана спорт боюнча мамлекеттик агенттиктен кабарлашты.
Маалыматка ылайык, Петрашов башкы машыктыруучулукту аркалаган атасы менен бармакчы. Алар 18-сентябрдан 2-сентябрга чейин Жакартада өтө турчу Азия оюндарына даярданууда.
Машыгуу үчүн спорттун олимпиадалык дирекциясы тарабынан 232 миң сом бөлүнгөн.
Денис Петрашов 2016-жылы Рио-де-Жанейро шаарында өткөн жайкы Олимпиада оюндарында 38-орунду ээлеген. Ошондой эле улуттук курама команданын эң жаш оюнчусу болгон. Петрашов 18 жашта.
Былтыр болсо Азия чемпиону аталган.
