9 саат айырмачылыктан улам кыргызстандыктар спортчунун мелдешин эртең таңда гана көрө алышат.
Sputnik Кыргызстан агенттиги спортчулар тууралуу кызыктуу фактыларды сунуштайт.
Жаш сууда сүзүүчү болгону 16 жашта. Ал Кыргызстандын курама командасынын тарыхындагы эң жаш спортчу.
Петрашов брасс үлгүсүндө 50, 100, 200 метр аралыкка сууда сүзүүдө Штутгарттагы эл аралык турнирде КРдин үч жолу рекордун жаңылаган.
Ал атактуу сууда сүзүүчү Петрашовдордун тукумунан. Денис КРдин сууда сүзүү боюнча командасынын башкы машыктыруучусу Евгений Петрашовдун баласы. Ал атасынын рекорддорун жаңылоого болгон аракетин жумшай турганын айткан.
Денис 16 жашында эле эл аралык класстагы спорттун чебери болгон.
Жаш спортчу Кыргызстандын эмгек сиңирген машыктыруучусу Юрий Захаровдун кол алдында машыгат. Аны Рио оюндарынан Бишкек убактысы боюнча саат 22.50дө көрүүгө болот.
