БИШКЕК, 10-авг. — Sputnik. Кыргызстандык Денис Петрашов 200 метрге брасс менен сүзүүдө квалификациялык мелдештен өтпөй калды деп айтылат Рио-де-Жанейро шаарында өтүп жаткан Олимпиада оюндарынын сайтында.
Олимпиада оюндарында Кыргызстандын намысын 19 спортчу коргоп жатат. Азырынча өлкө бир коло медалдуу болду. Аны оор атлетика боюнча кыргызстандык спортчу Иззат Артыков алып келди.
200 метрге сүзүү боюнча мелдеште брасс менен 39 спортчу катышты. Жарым финалда 16 киши мыкты көрсөткүч жаратты. Петрашов белгиленген аралыкты 2 мүнөт 16,57 секундада сүзүп өтүп, россиялык Антон Чупковго 8,64 секундага утулуп калды.
