БИШКЕК, 31-июл. — Sputnik. Таш кулап, бир турист каза болгон Скрябин мөңгүсүнө Казакстандан тик учак учуп келе жатканын КР ӨКМинин маалымат кызматынан билдиришти.
Эске салсак, Аламүдүн районуна караштуу деңиз деңгээлинен 4100 метр бийиктикте жайгашкан №9 Скрябин мөңгүсүнөн таш кулап жети турист жабыркаган. Кийин белгилүү болгондой, ал жерде жети эмес, сегиз турист болгон. Алардын төртөө Казакстандын, төртөө Россиянын жарандары. Каза болгон адам коңшу мамлекеттин жараны экени айтылды.
Бүгүн эртең менен саат 7.00дө куткаруу операциясын аткаруу максатында Алматы шаарынан Казакстан ИИМинин өзгөчө кырдаалдар комитетинин тик учагы учуп чыкканы айтылды.
