БИШКЕК, 17-июл. — Sputnik. Бишкек шаарында 26-июндан бери дайынсыз болгон 14 жаштагы Тешебаев Бекзат Шералиевич изделип жатат. Бул тууралуу шаардык милициядан кабарлашты.
Ага ылайык, Тешебаев 26-июнда Чыңгыз Айтматов проспектисинде жайгашкан "Кан борборунан" чыккан боюнча табыла элек.
Дайынсыз жоголгон Бекзат Тешебаев
© Фото / Пресс-служба ГУВД города Бишкек
Өзгөчө белгилери: бою 150-155 сантиметр, чачы күрөң, кой көз. Үстүнө кызыл түстөгү чатыраш көйнөк, көк түстөгү джинсы чолок шым, өңү жашыл-көк күрмө, көк түстөгү бут кийим кийген.
Биринчи Май райондук милициясы эгер баланын жүргөн жерин билгендер болсо (0701) 41-19-79, (0550) 102-486, (0555) 75-79-55, (0550) 102-170 же "102" номери аркылуу кабарлап коюуну суранат.
