Кулматовдун баш коргоо чарасын өзгөртүү боюнча сот отуруму болот

© Sputnik / Табылды КадырбековБишкектин экс-мэри, Мамлекеттик бажы кызматынын мурдагы төрагасы Кубанычбек Кулматовдун архивдик сүрөтү
Бишкектин экс-мэри, Мамлекеттик бажы кызматынын мурдагы төрагасы Кубанычбек Кулматовдун архивдик сүрөтү - Sputnik Кыргызстан
Жазылуу
Экс-мэрге карата коррупция беренеси боюнча кылмыш ишин козголуп, 5-июнда тергөө аяктаганга чейин камакка алынган.

БИШКЕК, 17-июн. — Sputnik. Дүйшөмбү күнү, 18-июнда, шаардык сотто Бишкектин экс-мэри, Мамлекеттик бажы кызматынын мурдагы төрагасы Кубанычбек Кулматовдун баш коргоо чарасын өзгөртүү боюнча сот отуруму өтөт. Бул тууралуу анын адвокаты Сергей Слесарев билдирди.

Анын айтымында, буга чейин чыккан райондук соттун чечими эртең каралат.

"7-июнда Биринчи Май сотунун токтому боюнча кассациялык арыз жазылган. Ал эртең шаардык сотто каралат. Анда биринчи инстанциянын чечимин өзгөртүүнү суранам. Анткени ал чечим мыйзамга туура келбейт жана негизсиз", — деди адвокат.

Ошондой эле ал Кылмыш-жаза кодексине ылайык, баш коргоо чарасы жаңы жагдай ачылганда же шектүү үй камагындагы тартипти бузганда өзгөртүлө тургандыгын айтып, Кулматов мыйзам бузбагандыгын кошумчалады.

Эске сала кетсек, 18-майда Кулматовго карата коррупция беренеси боюнча кылмыш иши козголуп, анын негизинде 5-июнда тергөө аяктаганга чейин соттун чечими менен камакка алынган.

Летняя пресс-конференция Алмазбека Атамбаева в Чолпон-Ате - Sputnik Кыргызстан
Атамбаев Исаков менен Кулматовдун камалышы боюнча саясий билдирүү жасады
УКМКнын версиясына караганда, Кулматов Бишкек шаарынын мэри болуп турган кезде ТBEA тарабынан эки мектептин курулушуна берилген гранттык каражаттын 2 миллион долларын мыйзамсыз пайдаланган. Башкача айтканда, ал каражат аймактарга эки мектеп салууга берилсе, Кулматов аны өкмөттөн мэриянын карамагына "Калыс-Ордо" жаңы конушуна мектеп салуу шылтоосу менен өткөртүп алган. Мындан тышкары, подрядчы компаниянын жетекчилеринин бири да кармалып, УКМКнын убактылуу кармоочу жайына киргизилген.

Тергөө иштеринин алкагында Кулматовдун үйүндө, мэриянын жогорку кызматтагы адамдары менен "Альто Групп" компаниясынын жетекчисинин үйүндө тинтүү жүргүзүлгөн. Жыйынтыгында Мамлекеттик бажы кызматынын мурдагы жетекчиси Кубанычбек Кулматовдун мүлкү камакка алынган.

Ага чейин ТЭЦин модернизациялоо боюнча козголгон кылмыш ишинин негизинде мурдагы премьер-министр Сапар Исаков да камалган.

Жаңылыктар түрмөгү
0