БИШКЕК, 25-май — Sputnik. Бишкектин экс-мэри, Мамлекеттик бажы кызматынын мурдагы жетекчиси Кубанычбек Кулматовдун мүлкү камакка алынганын УКМКнын маалымат кызматы билдирди.
Буга чейин аталган ведомство Кылмыш жаза кодексинин 303-беренесинин 1-бөлүгүнүн (Коррупция) негизинде козголгон кылмыш иштин алкагында Кулматовго айып таккан. Ал мэр болуп турган кезинде ТBEA кытай компаниясы тарабынан эки мектептин курулушуна берилген гранттык каражаттын 2 миллион долларын мыйзамсыз пайдаланган деп күнөөлөнүүдө. Маалыматта каражат аймактарга эки мектеп салууга берилсе, Кулматов аны өкмөттөн мэриянын карамагына өткөртүп, "Калыс-Ордо" жаңы конушуна мектеп салуу шылтоосу менен бөлдүртүп алганы айтылат. Экс-мэр "Альто Групп" ишканасынын жетекчилиги менен сүйлөшүп, ткелишимге ендерсиз эле кол коюп, кытай компаниясынан 1 миллион доллар бөлдүртүп алган. Аталган конуштагы мектепти салууга шаардык бюджеттен кошумча 100 миллион сом да бөлүнгөн.
Ушу тапта подрядчы компаниянын жетекчилеринин бири да УКМКнын тергөө абагында.
Кулматовдун, мэриянын жооптуу кызматкерлери менен жеке компаниянын жетекчисинин жашаган жерлери тинтүүгө алынган.
Тергөө иштери улантылууда.
