БИШКЕК, 7-июн. — Sputnik. 11-14-июнь күндөрү "Ак Шоола" балдар хору Талас облусуна барып, улуу жазуучу Чыңгыз Айтматовдун айылында өз өнөрүн тартуулайт. Бул тууралуу "Сейтек" балдар жана жаштар борборунан билдиришти.
Жазуучунун 90 жылдыгына арналган бул иш-чара "Аймактарды өнүктүрүү" жылынын алкагында өткөрүлөт.
"Жаш таланттар жазуучунун балалык чагы өткөн, колуна биринчи калем алып, китеп жазган айылын көрүп, айылдаштарына жолугуп, өз өнөрлөрүн тартуулайт. Концерт акысыз", — деп айтылат билдирүүдө.
Балдар 11-июнда Айтматовдун айылдаштары менен жолугуп, Шекер, Жийде айылдарында концерт коюшат. 12-июнда "Манас Ордо" комплексине зыярат кылып, Талас шаарындагы музыкалык драма театрында эл алдында ырдашат.
