БИШКЕК, 31-май — Sputnik. Кытайда сүйгөнүнө акчадан чоң букет жасап, белек кылган адам мыйзам алдында жооп бериши мүмкүн. Бул тууралуу Asia One маалымат агенттиги жазып чыкты.
Чунцин шаарынын тургуну сүйлөшкөн кызынын туулган күнүнө 334 миң юань акчадан (2 936 млн. сом) букет жасап белек кылган. Майрамдык кечеде коноктордун бири гүл жасаган жети адам акча-букетти 10 сааттан ашык убакытта даярдашканын айткан.
"Чын эле сүйлөшкөн кызын жакшы көрөт экен. Ал эми анын үй-бүлөсүндө акча деген толтура", — деп кошумчалаган алардын бири.
Бирок кытайдын элдик банкынын кызматкери мекендешинин романтикалык "сюрпризин" баалабай, улуттук акчага атайылап зыян келтиргени үчүн сот алдында жооп берип калышы мүмкүн экендигин айткан.
"Эл юанды баалаш керек, ошондуктан буга тыюу салынат. Өз сүйүүсүн билдирем десе, көп жолдор бар. Бирок эч ким мыйзамды бузбаш керек", — деген банк кызматкери.
Букет жасоо учурунда акча айрылганы же айырлбаганы азырынча тактала элек.
