БИШКЕК, 28-май — Sputnik. "Газпром Кыргызстан" ЖЧКсынын маалымат кызматы оңдоо иштеринен улам Ош шаарынын айрым көчөлөрүндө беш күнгө газ өчүрүлө турганын кабарлады.
Маалыматка ылайык, 28-майдан 2-июнга чейин калаанын Султан Ибраимов, Сүйүнбаев, Алиев жана Ленин көчөлөрүнө жаратылыш газын берүү токтотулат.
Оңдоо иштери шаар тургундарын жаратылыш газы менен үзгүлтүксүз камсыз кылуу максатында жүргүзүлүп жатканы айтылат.
