БИШКЕК, 21-май — Sputnik маалымат кызматы. Sputnik Кыргызстан маалымат агенттиги менен радиосу режиссер Сүйүн Откеевдин "Мегатой-2" кинокомедиясынын экинчи бөлүгүнүн медиа өнөктөшү болду.
Медиа өнөктөштүктүн алкагында кинотасманын кээ бир эпизоддору Sputnik Кыргызстандын кеңсесинде тартылып, ага агенттиктин кызматкерлери катышты. Тасманын негизги бөлүгү тартылып бүтүп, ал эми биз сөз кылып жаткан процесстер картинанын финалдык бөлүгү болду.
"Мегатой-2" кинокомедиясынын премьерасы 2018-жылдын июнь айында болмокчу. Анын тизерин Sputnik Кыргызстандын сайтынан көрүүгө болот. Кызматташтыктын алкагында аталган радионун эфиринде жана агенттиктин социалдык тармактагы баракчасында билеттер ойнотулмакчы.
Sputnik Кыргызстан ишин өлкөдө 2014-жылдан тарта баштаган. Анын кыргыз, орус тилдериндеги маалымат порталы, жогорку технологиядагы мультимедиалык маалымат борбору бар.
Sputnik Кыргызстандын жаңылыктар порталы өлкөдөгү алдыңкы орунда турган интернет-ЖМКлардын сап башында турат.
Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү араб, англис, испан жана кытай тилдеринде жарык көрөт.
* LiveInternet 2018-жылдын март айына чыгарган бүтүмдөрүнө ылайык.
