БИШКЕК, 26-апр. — Sputnik. Москва шаарында мурдагы жубайын ур-тепкиге алып, бир нече жолу зордуктаган деген шек менен 35 жаштагы кыргызстандык кармалды. Бул тууралуу Ички иштер министрлигинин маалымат кызматынан билдиришти.
"КР ИИМинин Россиядагы өкүлчүлүгүнө 20-апрель күнү 31 жаштагы кыргызстандык келин кайрылган. Ал маал-маалы менен келип кол көтөрүп, күч колдонуу менен зордуктап жүргөн мурдагы күйөөсүнө карата чара көрүүнү суранган", — деп айтылат билдирүүдө.
Өкүлчүлүктүн кызматкерлери россиялык кесиптештери менен бирге ыкчам-издөө иштерип жүргүзүп, Ош облусунун 35 жаштагы тургунун колго түшүрдү.
Аталган факты боюнча кылмыш иши козголуп, иликтөө жүргүзүлүп жатат.
