БИШКЕК, 18-апр. — Sputnik. Жалал-Абад облусунун Аксы районунда 18-апрелге караган түнү кар жаады. Бул тууралуу Sputnik Кыргызстан агенттигине Кербен шаарынын тургуну Нурболот Мамбеталиев билдирди.
Анын айтымында, мындай кар райондун Кашка-Суу, Кызыл-Туу, Кара-Суу жана Жерге-Тал айыл өкмөттөрүндө жааган.
"Түндө жаап баштаган кар азыркыга чейин токтой элек. Кардын калыңдыгы беш сантиметрден ашты. Кара өрүк, алма, алча гүлдөп турган учур эле. Аларды үшүк алып кетет го эми", — деди жергиликтүү тургун.
Аксы. 17 апреля. Снег! pic.twitter.com/hbqy069h2e
— Geniusbaby (@bishkekchanka65) April 18, 2018
Мындан бир жума мурун Каракол шаарында дагы калыңдыгы 10-15 сантиметрге жеткен кар жааган.
Эске салсак, буга чейин ӨКМ шашылыш билдирүү таратып өлкөдө 16-20-апрель күндөрү абанын температурасы төмөндөп, маал-маалы менен жаан жаап, тоолуу райондордо кар жаай турганын кабарлаган.
