БИШКЕК, 7-апр. — Sputnik. Бишкекте эл аралык деңгээлдеги окумуштуулардын катышуусунда экологиялык форум өтөт. Бул тууралуу иш-чаранын уюштуруучулардын бири Азамат Темиркулов билдирди.
Маалыматка ылайык, форум борбор калаада 14-апрель күнү "Тоо токой" деген аталыш менен болмокчу. Бул экология маселелерине арналган алгачкы форум. Ага чет элдик жана кыргызстандык окумуштуулар катышат. Андан сырткары, өлкө аймагындагы багбан, токойчулар чакырылган.
Иш-чаранын максаты — токойду сактоо жана жакшыртуу маселелерине коомчулуктун көңүлүн буруу.