БИШКЕК, 17-мар. — Sputnik. Бишкектин аймагын санитардык жактан тазалап, иретке келтирүү үчүн үч айлык жарыяланганын мэриянын маалымат кызматы билдирди.
Шаарда ишембилик өткөрүү үчүн вице-мэр Эркинбек Исаковдун төрагалыгы алдында "Таза жашоо" улуттук кампаниясынын алкагында шаардык кызматтар менен биргеликте жыйын өттү.
Үч айлыктын алкагында арыктар тазаланып, калаадагы парктар менен скверлер иретке келтирилет.
Ишембилик өткөрүлө турчу жер райондук администрация тарабынан аныкталат.
Ал эми жалпы шаардык ишембилик аба ырайы ыңгайлуу болгон учурда өткөрүлөт.
