БИШКЕК, 2-мар. — Sputnik. Борбордук мечитте республикалык куран жарышы башталды. Бул тууралуу муфтияттын маалымат кызматы кабарлады.
Билдирүүгө ылайык, жарышка өлкө аймактарындагы тандоо турунан өткөн талапкерлер катышууда.
"Сынак балдардын Куранга болгон сүйүүсүн бекемдеп, ыймандуулукту, адептүүлүктү даңазалап, жан дүйнөнүн тазарышына түрткү берет. Бул жолку жарыш электрондук форматта өтүүдө. Ар бир катышуучу кутучадагы номерди алып калыстарга айтат. Ал эми калыстар тобу берилген номер менен электрондук түрдө кайсыл аятты окуй тургандыгын тандап беришет", — деп жазылат маалыматта.
Куран жарышында жалпысынан 82 улан ат салышууда.
Кыргызстандагы медреселер эмнени окутат? Муфтияттын жообун окуп койгула.
