Исаков: санариптештирүү боюнча Россия менен тажрыйба алмашууга кызыкдарбыз

© Пресс-служба правительства / Сабыр АильчиевУчастие Сапара Исакова во Всемирном экономическом форуме в городе Давос (Швейцария)
Участие Сапара Исакова во Всемирном экономическом форуме в городе Давос (Швейцария) - Sputnik Кыргызстан
Жазылуу
Өкмөт башчы Россиянын фискалдык органдарынын ишмердүүлүгүн санариптештирүү боюнча ийгиликтүү тажрыйбасы кыргыз тараптын кызыгуусун жаратып жаткандыгын белгилеген

БИШКЕК, 25-янв. — Sputnik. Премьер-министр Сапар Исаков бүгүн, 24-январда, Давос шаарындагы (Швейцария) Дүйнөлүк экономикалык форумдун алкагында Россиянын өкмөт төрагасынын орун басары Аркадий Дворкович менен жолугуп, кыргыз-орус кызматташтыгынын актуалдуу темаларын жана келечегин талкуулады. Бул туурасында өкмөттүн маалымат кызматынан билдиришти. 

Участие Сапара Исакова во Всемирном экономическом форуме в городе Давос (Швейцария) - Sputnik Кыргызстан
Исаков ири компаниялардын өкүлдөрүн КРге инвестиция салууга чакырды
Жолугушуунун жүрүшүндө тараптар санариптик трансформация боюнча Кыргызстандын пландары, салык процедураларын фискалдаштыруу боюнча тажрыйба алмашуу мүмкүнчүлүгү, ошондой эле Кыргызстандын ички рыногуна ачык түстүү мунай продуктуларын алып кирүү боюнча актуалдуу суроолорду талкуулашты. 

Өкмөт башчы Россиянын фискалдык органдарынын ишмердүүлүгүн санариптештирүү боюнча ийгиликтүү тажрыйбасы кыргыз тараптын кызыгуусун жаратып жаткандыгын белгилеген.

“Аталган багыт боюнча тажрыйба алмашуу биз үчүн абдан пайдалуу болмок. Биз салык кызматынын ишмердүүлүгүнө кардиналдуу реформаларды жүргүзүүнү жана көмүскө экономиканын көлөмүн кыскартуу, өлкө бюджетинин киреше бөлүгүн көбөйтүү боюнча иштерди улантууну пландап жатабыз”, — деп айтты Исаков. 

Россиянын желеги жана аскер кызматкерлери. Архив - Sputnik Кыргызстан
КР менен Россиянын аскердик кызматташуусу тууралуу келишим ратификацияланды
Аркадий Дворкович Россия Федерациясынын өкмөтү өз тарабынан тийиштүү колдоо көрсөтүүгө жана бул маселе боюнча эксперттик жумушчу таптордун деңгээлинде өз ара аракеттешүү мүмкүнчүлүгүн карап чыгууга даяр экендигин белгиледи. 

Мындан тышкары, тараптар 2018-жылдын биринчи жарымында өтүүчү Кыргыз-орус өкмөттөр аралык комиссиянын кезектеги отурумун өткөрүү маселесин талкуулашты.

Жаңылыктар түрмөгү
0