Масалиев: депутаттарды коенго окшоп кубалаганды токтотолу
Депутаттарды коенго окшоп кубалаганды токтотолу. Бул тууралуу Исхак Масалиев парламентте сүйлөп жатып билдирди.
Анын айтымында, эл өкүлдөрү тууралуу туура эмес маалымат тараткандарды жоопко тартуу керек.
"Урматтуу төрага, сизге сунушум бар. Жаңы жылдан баштап депутаттардын аброюна шек келтирген фактылар боюнча сиз чара көрүшүңүз керек. Депутаттарды коенго окшоп кубалаганды токтотолучу. Ушул сиздин түзмө-түз милдетиңиз. Эгерде туура эмес маалымат тараткандар болсо жоопко тартуу керек", — деди Масалиев.
Ал журналисттерди чогултуп, кабыл алынган мыйзамдар боюнча түшүндүрүү керек экендигин кошумчалады.
