Казакстан 2018-жылды Өзбекстан жылы деп жарыялады

© Sputnik / Табылды КадырбековКонтрольно-пропускной пункт "Ак-Жол"
Контрольно-пропускной пункт Ак-Жол - Sputnik Кыргызстан
Жазылуу
Нурсултан Назарбаев эки республиканын кызматташуусу жаңы деңгээлге чыгып жатканын белгиледи

БИШКЕК, 26-дек. — Sputnik. Казакстандын президенти Нурсултан Назарбаев 2018-жылды Өзбекстандын жылы деп жарыяланды. Бул тууралуу Sputnik Казакстан жазып чыкты.

"Өзбектер — бизге жакын эл, коңшубуз. Өзбекстан Борбор Азиядагы ири өлкө, аны менен түзүлгөн мамиле абдан маанилүү. Кийинки жыл Казакстанда Өзбекстан жылы, ал эми Өзбекстанда Казакстан жылы деп жарыяланат", — деди Назарбаев республикалык телеканалдардын эфиринде сүйлөп жатып.

Официальный визит президента КР Сооронбая Жээнбекова в Казахстан - Sputnik Кыргызстан
Сагинтаев: Назарбаев бизге кыргыздан жакын эл жок экенин дайым айтып келет
Өлкө башчы эки республиканын ортосундагы мамиле чыңдалып, товар жүгүртүүнүн көлөмү эки эсеге көбөйгөнүн белгиледи.

"Өзбекстандын жаңы президенти Шавкат Мирзиёев менен көрсөткүчтү беш миллиард долларга жеткирүүнү сүйлөштүк. Бүгүнкү күндө биргеликте унаа өндүрүү боюнча сүйлөшүү бар", — деди президент.

Буга чейин Назарбаев менен Мирзиёев телефондон эки тараптуу кызматташуунун абалы менен келечегин талкуулашкан. Мында товар жүгүртүүнүн көлөмү тездик менен өсүп жатканы жана бизнес жаатында мамиленин бекемделип жатканы айтылган.

Жаңылыктар түрмөгү
0