БИШКЕК, 19-дек. — Sputnik. Американын президенти Дональд Трамптын билдиришинче Россия менен Кытай АКШнын таасири менен баалуулуктарына чакырык таштап жатат. Бул тууралуу РИА Новости агенттиги билдирди.
Белгилей кетсек, дүйшөмбү күнү Америка Кошмо Штаттары улуттук коопсуздуктун жаңы стратегиясын жарыялады.
"Биздин стратегия өзгөчө маанилүү болгон улуттук кызыкчылыктардын реализм принциптеринин негизинде түзүлгөн. Биз каалайбызбы, каалабайбызбы атаандаштыктын жаңы доорунда турганыбыз стратегияда белгиленген", — деди Трамп.
Ал ошондой эле Американын кызыкчылыктарына башкарууга кыйын болгон режимдер, террордук уюмдар жана улуттар аралык кылмышкерлер кооптуулук жаратып жатканын белгилеген.
"Андан сырткары, биз атаандаш күчтөр менен тирешип жатабыз. Россия менен Кытай Американын таасирине, баалуулуктарына жана байлыгына чакырык таштоого аракет кылууда. Биз алар менен ири өнөктөш болгонго аракет кылабыз. Ошол эле учурда биздин улуттук кызыкчылыктар биринчи орунда болот", — деди ал.
Жүргүзүлгөн атайын операциянын жыйынтыгында 13-14-декабрда жети киши кармалып, алардын жанынан жардыруучу заттар жана бир топ курал-жарактар алынган.
Кремлдин маалымат кызматы билдиргендей, жекшемби күнү Владимир Путин АКШ президенти Дональд Трамп менен телефон аркылуу сүйлөшүп, Санкт-Петербургдагы жардырууну алдын алууга ЦРУ тарабынан берилген маалыматтар үчүн ага ыраазычылык билдирген.
