БИШКЕК, 1-дек. — Sputnik. Сокулук РИИБдин убактылуу кармоо жайынан качып кеткендердин төртүнчүсү кармалды. Бул тууралуу ИИМдин маалымат кызматы билдирди.
Ага ылайык, качып кеткен жаран 1-декабрда таңкы саат 4:00дөр чамасында "Сирена" ыкчам издөө иш-аракеттеринин жыйынтыгында Москва районунун Спартак айылына жакын жерден колго түшкөн.
"28 жаштагы Кайрат Жанботоев Кылмыш жаза кодексинин 97-беренеси (Адам өлтүрүү) боюнча айыпталып кармалган", — деп айтылат маалыматта.
30 Жетинин айы 2017, 13:25
Белгилей кетсек, 27-ноябрда Сокулук РИИБдин убактылуу кармоо жайынан төрт киши качып кеткен болчу. Буга чейин качкандардын үчөө кармалган.
Аталган фактынын негизинде прокуратура милиция кызматкерлерине карата Кылмыш жаза кодексинин 304-беренеси (Кызмат абалынан кыянаттык менен пайдалануу) жана 316-беренеси (Шалаакылык) боюнча кылмыш ишин козгогон.
Учурда тергөө амалдары жүрүп жатат.
