БИШКЕК, 27-ноя. — Sputnik. 2040-жылга чейинки Улуттук стратегиялык туруктуу өнүктүрүү стратегиясынын негизги максаты адам капиталын өнүктүрүү болуп саналат. Бул тууралуу президенттик аппараттын финансы-экономикалык анализ жана мониторинг бөлүмүнүн жетекчиси Нурсулу Ахметова билдирди.
Анын айтымында, бул документ 2013-2017-жылдардын стратегиясын улантып жатат.
"Негизги максат — адам капиталын өнүктүрүү, адамдын өнүгүшү үчүн бардык шарттарды түзүп берүү. Кыргыз жараны биздин эң баалуу капиталыбыз болуп эсептелет", — деди Ахметова.
Ал ошондой эле негизги үч багыт (экономикалык, социалдык өнүгүү жана коопсуздук) ушул максатты көздөй турганын айтып, документ кийинчерээк толук даяр боло турганын кошумчалады.
