БИШКЕК, 24-ноя. — Sputnik. Саякбай Каралаевдин вариантындагы "Манас" китеби 5000 нускада басып чыгарылды. Бул тууралуу президенттин маалымат кызматы кабарлады.
Билдирүүгө ылайык, китеп өлкө башчы Алмазбек Атамбаевдин колдоосу менен чыгарылган.
"Эпосто кыргыздардын кылымдык тарыхы, салттары менен үрп-адаттары, мамлекеттүүлүктү жана биримдикти бекемдөө идеялары чагылдырылган", — деп жазылат маалыматта.
"Манас" китеби өлкөнүн бардык орто мектептерине, жогорку окуу жайларга, китепканаларга, ошондой эле башка мекеме, уюмдарга бекер таратыла турганы белгилүү болду.
