Суу кодексине өзгөртүүлөрдү киргизүү менен 18 миллиард сом пайда көрөбүз. Бул тууралуу Дүйшөнбек Зилалиев парламентте маселе каралып жатканда билдирди.
Жогорку Кеңеш үчүнчү окууда Суу кодексине өзгөртүүлөрдү киргизүүнү карап жатат. Эгер ал кабыл алынса, өтө зарыл болгон учурда мөңгүлөрдө казуу иштерин жүргүзүүгө уруксат берилет.
"Эл аралык сотто териштирүүлөр жүрүп жатат. Ал жерде Centerra Gold Inc. бизди сотко берген. Доомат 15 миллион доллар. Эгерде суу кодексине өзгөртүү кирсе бул акча өзүбүздө калат. Мындан сырткары, биздин экономика түздөн-түз жана кыйыр түрдө 250 миллион доллар же 18 миллиард сомго жакын пайда көрөт", — деди Зилалиев.
Эске сала кетсек, талкуу учурунда бир канча депутаттар Centerra Gold Inc. ишканасын жоопко тартуу керектигин билдиришти.
