БИШКЕК, 16-ноя. — Sputnik. Премьер-министрдин кеңешчиси Эсенкул Момункулов Инвестицияларды илгерилетүү жана коргоо агенттигинин директору болуп дайындалды. Бул тууралуу өкмөттүн маалымат кызматынан кабарлашты.
Тиешелүү буйрукка премьер-министр Сапар Исаков кол койгон. Агенттик Экономика министрлигинен бөлүнүп, өз алдынча мамлекеттик орган болуп калган. Агенттик инвестиция жана экспорт боюнча мамлекеттик саясатты жүргүзүп өкмөт башчыга отчет берет.
Момункулов 5-сентябрдан бери премьер-министрдин кеңешчиси болуп иштеген. Ал Германиядагы Гейдельберг университетин аяктаган. Буга чейин президенттин, өкмөттүн аппараттарында инвестициялык долбоорлор боюнча иш алып барган.
