Шаяхметов: Тез жардам кызматкерлеринин бейтаптардан акча сурашы мыйзамсыз
Тез жардам кызматкерлеринин бейтаптардан бензин менен дарыга акча сурашы мыйзамсыз. Бул тууралуу аталган кызматтын башкы дарыгери Искендер Шаяхметов Sputnik Кыргызстан радиосуна маек куруп жатып билдирди.
Анын айтымында, учурда көбүнесе жаштар кызмат көрсөтөт.
"Бизде тез жардам кызматы акысыз. Бензин менен дары жетиштүү. Андыктан айрым учурда тез жардам кызматынын адистери бензин менен дарыга акча сураса дароо тиешелүү жактарга кайрылсаңыздар болот. Алардын бул кадамы мыйзамсыз" — деди Шаяхметов.
Ал эгерде мыйзам бузуу катталса 615122, 612293 телефонуна чалууга болорун кошумчалады.
