Мындан улам Sputnik Кыргызстан маалымат агенттиги КРдин Эмгек сиңирген артисти Алина Жетигенова тууралуу 7 факты сунуштайт.
1. Таластык кыз ай… Алина Жетигенова 1964-жылы 6-ноябрда Талас районундагы Арал айылында төрөлгөн. Апасы 17 жашында төрөп, ал кезде Гүлнара деген ысым берген. Бирок чоң апасы Гүлжакан тун небересин колуна алганда Алмакан деген ысым ыйгарган. Ырчы алты бир туугандын улуусу.
3. Студенттик куракта түптөлгөн чыгармачылык. 1982-жылы атасы Ишенаалы Арабаев атындагы кыз-келиндер институтуна тапшыртып койгон. Атасы айылга кетээри менен документтерин алып филармониянын алдындагы эки жылдык студияга тапшырып алган. Улукмырза Полотов, Асылбек Рысалиев деген залкар адамдардын колунда тарбияланып калат. Студент кезинде "Жетиген", "Ариэт", "Таазим" тобунда ырдаган. Топ менен Ташкентке барып 1-орунду, Москвадан 3-орунду алып келген. Ошол маалда "Дасторкон", "Апама кат" ырлары популярдуу болду. "Ысык-Көл-1988" сынагында баш байгени жеңип алган. "Юрмала-1989" жаш таланттар сынагына катышкан.
4. Ысымын ким өзгөрткөн? Студенттик убакта жатаканада чогуу жашаган Айнура аттуу кыз ырчынын Алмакан атын Алина деп өзгөрткөн.
5. Кыргыз эстрадасынын улуу муунуна ат салышкан кез. 1991-жылы Тарас Асанакуновдун уюштуруусу менен "Роза гүлү" деген эстрадалык топ ачылып, Расул Маматкулов, Айчүрөк Иманалиева, Динара Акулова, Алина Жетигеновалар алынган. Сөзү Асан Жакшылыковго, обону Тарас Асанакуновго таандык "Кыздын сыры" деген ыры ошондо жазылып, ырчыны ийгиликтин дагы бир тепкичине өйдөлөттү. Бир аз иштегенден кийин топ жабылып, курамдагы ар бир өнөрпоз өз ысымдарынан топ ачышкан. Дал ушул жылдар ырчы үчүн жемиштүү убак болгон.
7. Жолдошу Эржан — кесиби боюнча юрист. Жубайлар үч баланын ата-энеси. 1984-жылы уулу Азиз, 1988-жылы кызы Азеля, 1994-жылы уулу Алтынбек төрөлгөн. Үч неберенин таенеси.
