БИШКЕК, 3-ноя. — Sputnik. АКШнын Сан-Франциско шаарында iPhone Х моделиндеги смартфондорду жүктөп келе жаткан фургондон 300дөн ашуун телефонду карактап кетишти. Бул туурасында РИА Новости CNBC телеканалына шилтеме берүү менен билдирди.
Уурулар айдоочу телефондорду шаардагы соода борборлордун бирине алып бара жаткан учурда кол салышкан. Учруда каракчылар кармала элек. Алар окуя болгон жерден Dodge үлүгүсүндөгү жолтандабас менен качып кетишкен. Полиция кылмышка шектүү катары үч кишини издеп жатат.
ЖМКлардын маалыматы боюнча уурдалган смартфондордун баасы 300 миң долларга бааланууда.
Москвада iPhone X расмий түрдө 3-ноябрдан тарта сатыкка чыкты. Аны алуу үчүн таң эрте дүкөндүн алдына 500дөй адам чогулган. Айрымдары сатыкка чыкканга чейин эле келип кезекке туруп алышкан. Аталган смартфондун Россиядагы эң төмөн баасы 80 миң рублга бааланууда.
Apple компаниясы акыркы үлгүдөгү iPhone Х смартфонун 12-сентябрда презентациялаган.
