БИШКЕК, 24-окт. — Sputnik. Кыргызстандын премьер-министри Сапар Исаков Ереванга Евразиялык экономикалык биримдиктин өкмөттөр аралык кеңешинин жыйынына катышуу үчүн учуп кетти. Бул тууралуу өкмөттүн маалымат кызматы билдирди.
Исаков бул сапардын алкагында бүгүн, шейшемби күнү Казакстандын жана Армениянын делегациялары менен эки тараптуу жолугушууларды өткөрөт.
Ошондой эле ЕАЭБдин өкмөттөр аралык кеңишинин кийинки жыйынын кайда өтөрүү талкууланат.
Кыргызстандын делегациясынын курамы:
Премьер-министр Сапар Исаков, биринчи вице-премьер Толкунбек Абдыгулов, экономика министри Артем Новиков, тышкы иштер министринин орун басары Эмил Кайкиев, Кыргызстандын Россиядагы элчиси Болот Отунбаев, премьер-министрдин кеңешчиси Гүлнур Төралиева, өкмөт аппаратынын эл аралык кызматташуу бөлүмүнүн башчысы Айбек Айдарбеков, Мамлекеттик бажы кызматынын жетекчиси Азамат Сулайманов, ветеринардык жана фитосанитардык коопсуздук мамлекеттик инспекциясынын директору Калысбек Жумаканов, өкмөттүн аппаратынын жетекчисинин орун басары Санжар Үмөталиев.
