БИШКЕК, 20-окт. — Sputnik. Россиядан келе жаткан кыргызстандык оор жүк ташуучу унаалар Казакстандын чек арасынан өтө баштады. Бул тууралуу эки өлкөнүн чегинде турган айдоочулардын бири Алексей Зеленский билдирди.
© Видео / Алексей Зеленский
Зеленский кечээ, 19-октябрда, Россиянын Оренбург жана Казакстандын Ак-Төбө облустары менен чектешкен көзөмөл өткөрүү бекетинде 100дөй кыргызстандык унаа бир жумадан бери кармалып турганын кабарлаган.
"Бүгүн түндөн тарта кыргызстандык унаалардын баарын чек арадан өткөрө баштады. Мен дагы бир аз убакыт мурун Казакстандын аймагына кирдим", — деди ал.
20 Тогуздун айы 2017, 11:08
Кыргыз-казак чек ара көйгөйү 10 күндөн бери уланууда. 18-октябрда премьер-министр Сапар Исаков Астанага барып жеке жүгү бар адамдар, жүргүнчү ташыган каттамдагы автобустар, жеңил унаалар жана бош жүк ташуучу унаалардын артыкчылыгы боюнча макулдашууга жетише алды. Ошондой эле эки өлкөнүн биринчи вице-премьерлери жетектеген жумушчу топ беш күндүн ичинде чек арадагы абалды жөнгө салуу боюнча жол картасын түзүп чыгат.
