Жээнбеков: бар бололу, бир бололу
Президенттик шайлоонун алдын ала жыйынтыгы менен алдыга чыккан Сооронбай Жээнбеков маалымат жыйын өткөрүп, Кыргызстандын демократиялуу тарыхында ачык шайлоо өткөнүн билдирди.
Эскерте кетсек, 15-октябрь күнү Кыргызстан президентин шайлады.
"Кыргызстандын тарыхында таза шайлоо өттү. Элибизге, командама, штабдарга ыраазычылык билдирем. ЖМК өкүлдөрү, таза шайлоо өткөрүүгө сиздер да зор салып коштуңуздар, баарыңарга ыраазычылык. Алдыда көп реформалар бар. Бар бололу, бир бололу. Мамлекетибизди Кудай колдосун", — деди Жээнбеков.
Сооронбай Жээнбеков президент Алмазбек Атамбаев менен байланышканын, өлкө башчы куттук айтканын кошумчалады.
Эске сала кетсек, Сооронбай Жээнбеков шайлоочулардын 54,75 пайыз добушун алып, биринчи келе жатат.
