Карагулов: маалыматка ишенээрден анын артында ким тураарына кызыгуу керек
Маалыматка ишенээрден мурун артында ким тураарына кызыгуу керек. Бул тууралуу ТИМдин дипломатиялык академиясынын эл аралык изилдөөлөр борборунун директору Азамат Карагулов Sputnik Кыргызстан радиосуна маек куруп жатып билдирди.
Анын айтымында, учурда маалыматтык согуш кызуу жүрүүдө.
"Туура маалыматты тандап алыш оңой эмес. Алгач ал кайсыл өлкөдөн чыгып жатканын кароо керек. Андан соң мындай маалымат кимге керектигин ойлонуп туруп, талдоо зарыл. Ушунда гана жаңылыктарды бир аз иргесе болот", — деди Карагулов.
Ал ар бир маалыматка ишенээрден мурун логикалык дагы талдоо жасоо зарыл экендигине токтолду.
