Кадыров: эмдөө — бул илдеттин алдын алуу
Эмдөө — бул илдеттин алдын алуу болуп санала тургандыгын Улуттук фтизиатрия борборунун директору Абдуллаат Кадыров Sputnik Кыргызстан радиосуна маек куруп жатып билдирди.
Анын айтымында, эмделбей калган балдарда оор илдетти жуктуруп алуу коркунучу жогору.
"Ымыркай төрөлгөндө экинчи суткадан баштап кургак учукка каршы эмдөө жүрөт. Аны вакцинация БЦЖ деп коет. Эмдөөнү алган балдар эч качан кургак учук менен оорубайт дегенге болбойт. Жеңил түрү менен оорушу мүмкүн. Ал эми убагында эмделбей калган балдар оор түрүнө чалдыгып, каза болуп калган учурлар бар", — деди Кадыров.
Балдар дарыгерлер тарабынан дыкат текшерүүдөн өткөндөн кийин гана эмделе тургандыгын айтты.
