БИШКЕК, 7-окт. — Sputnik. Мьянманын эң сулуу бийкечи Шви Ян Си рохинджа мусулмандарын терроримзге күнөөлөгөндөн кийин таажысынан ажырап калгандыгын The Independent басылмасы жазды.
Өткөн аптада 19 жаштагы модель рохинджа элинин өкүлдөрүн терроризм жана зомбулукка айыптаган видеоролик тарттырган.
Анда ал Мьянма мусулмандары байкуш болуп көрүнгөнү менен чындыгында согушкерлер деген пикирин билдирип, бийлик аларга туура мамиле кылып жатат деп айткан.
Мындан соң сулуулук сынагын өткөргөн уюм бийкечтин мындай кадамдары келишимдин бузулушуна алып келгенин айтып, наамын артка кайтарып алды.
Ракхайн штатындагы рохинжа мусулмандары менен будда динин туткан бирмалыктардын ортосундагы карама-каршылык ондогон жылдардан бери уланып келет. Мьянмадагы бийлик жарандык өкмөткө өтүп, демократиялык реформалардын башталышы менен ортодогу кагылышуу кайрадан күч алган.
