Иманалиев: "Жаңы доорго кырк кадам" программасында ишкерликке ири басым жасалган
"Жаңы доорго кырк кадам" программасында ишкерликке өзгөчө көңүл бурулган. Бул тууралуу экономика министринин орун басары Данияр Иманалиев Sputnik Кыргызстан радиосуна маек куруп жатып билдирди.
Анын айтымында, эми лицензиялоо, уруксат кагаздарын алуу жеңилдейт.
"Ишкерлик бул артыкчылык берилген тармак болуп саналат. "Жаңы доорго кырк кадам" программасында дагы ишкерликке өзгөчө көңүл бурулган. Лицензиялоо, уруксат кагаздарын алуу жеңилдейт. Мындан сырткары, салык саясатында дагы жеңилдетүүлөр болот", — деди Иманалиев.
Ал аймактардагы ишкерлер да көңүл чордонунда болорун кошумчалады.
